"Ang. Kahulugan ng sinasabi ng tao ay hindi lamang nakabatay sa mga salitang kaniyang binibigkas kundi nasa kung paano niya ito binibigkas. Nagreresulta sa pagkakaroon ng ibat - ibang kahulugan o interpretasyon ang binibitawang salita dahil sa paraan ng pagbitiw ng salita."

Kung susuriin nating mabuti ang pahayag sa itaas masasabi kong itoy tama at may katotohan. Sa ating pang araw araw na pamumuhay , nakasanayan o makikita na  sa'ting mga Pilipino ang paiba iba ng "mood" o ekspresyon sa anyo ngkomunikasyon. Itoy nagsisilbing gabay upang mas maging makabuluhan ang usapan sa pagitan ng dalawang nag-uusap. Pero kadalasan  ang paiba iba ng ekspresyon sa pakikipag- usap ay nagdadala ng masamang resulta sa kumonikasyon. Kagaya nalang kung ang isang tao ay may kailangan sa isang tao. Pero ang paraan ng pagbabahagi ng kanyang sinasabi ay parang may halong galit. Paano ba malalaman ng isang tao na "sincere" ang kanyang sinasabi kung hindi pormal ang paglalahad ng saloobin. Sa tingin niyo ba ay tutulungan niya ang ganoong klaseng tao kung padabog na sinasabi? Sa tingin ko hindi.  Isa pang halimbawa ay ang pagsabi ng isang kabarkada na na ospital ang kapatid o inay ng isang tropa. Pero itoy binibigkas niya na may halong saya o natatawa siya. Masasabi natin na siya ay nagbibiro lamang at walang kasiguraduhan sa kanyang mga sinasabi. At ang huling halimbawa ay ang pag amin ng nararamdaman ng isang lalake sa babae. Pero ang istilo ng pagsasalita ay parang isang normal lamang na konbersasyon at hindi sa puso galing ang mga salitang binibitawan. Kaya masasabi nating siya ay hindi seryoso. Kung kaya nagiging mas mabisa ang paglalahad ng mensahe kung sakto ang paraan ng pagsasalita. At dahil dito mas makabuluhan o may kahulugan ang mga bagay na ating sinasabi na nagdadala sa atin sa pagkakaunawaan.